Ekosistemi i Free Libre Open Source Software (FLOSS) ofron mijëra projekte për pothuajse çdo nevojë, mirpo me gjetë mjete të besueshme e të mirëmbajtura po del me qenë goxha sfiduese. Shpeshherë, përdoruesit po përballen me nje numër tejet të madh alternativash pa pasë nje mënyrë të qartë me vlerësu cilësinë, mirëmbajtjen apo nëse ato vërtet kryejnë punë në praktikë.

Për me iu përgjigj kësaj nevoje, FLOSSK ka kriju OpenCatalog – nje katalog të kuruar që i ndihmon individët, organizatat, institucionet publike, bizneset e komunitetin e teknologjisë me zbulu e me adoptu zgjidhje të besueshme Open Source.

OpenCatalog të lejon me kërku e me filtru projekte shumë shpejt. Për secilin prej tyre mundesh me mësu çka bën, pse është interesant, kujt i shërben dhe arsyet pse e kemi përfshi në listë. Ideja është me të ndihmu me kuptu jo vetëm çfarë bën një mjet, por edhe pse mund të jetë zgjedhja e duhur për nevojat tona.

OpenCatalog mbulon fusha të ndryshme të ekosistemit digjital. Për zhvilluesit dhe administratorët e sistemeve përfshin mjete për Linux, zhvillim softuerik, Cloud Computing, databaza dhe DevOps. Për komunitetin kreativ ofron platforma për dizajn grafik, editim të videos dhe audios, ndërsa për ata që fokusohen në siguri dhe privatësi përfshin mjete për mbrojtjen e të dhënave dhe sigurinë kibernetike. Për studentët, hulumtuesit dhe të gjithë ata që duan të eksplorojnë teknologji të reja, katalogu përmban mjete për Inteligjencë Artificiale (AI), Data Science, edukim dhe fusha të tjera në zhvillim.

OpenCatalog është një pikënisje edukative drejt lirisë sonë digjitale që mori jetë falë iniciativës dhe punës së Samiut, i cili udhëhoqi krijimin dhe zhvillimin e platformës. E si çdo projekt tjetër open source, edhe ky rritet përmes vullnetit të komunitetit. Nëse e njeh një projekt të mirë open source që mendon se duhet me qenë pjesë e katalogut, propozoje atë, ndaj sugjerime ose kontribo me informacione që e bëjnë platformën edhe më të dobishme për gjithe komunitetin.

https://catalog.flossk.org

FLOSSK sot vizitoi Ndërmarrjen Publike “Hekurudhat e Kosovës – Trainkos Sh.A.”, ku u prit nga Kryeshefi Ekzekutiv Agron Statovci, së bashku me Arbër Salihun dhe Altin Podrimçakun.

Gjatë takimit ekipi i Trainkos paraqiti problematikat me të cilat ballafaqohet kjo ndermarrje dhe pikat në të cilat mund të zhvillohet bashkepunimi.

Ndërsa anëtarët e FLOSSK, Sami Kçiku dhe Lis Luci, shtjelluan mundësite që ka FLOSSK per të ofruar ekspertizën dhe vullnetin e komunitetit tonë për të zhvilluar zgjidhje që do ta ndihmonin Trainkosin, sidomos në mirembajtjen e hardware-it, përdorimin e sensorëve dhe hartëzimin.

Faleminderit Trainkos për mikpritjen dhe gatishmërinë për të eksploruar mundësi të reja bashkëpunimi.

Këtë fundjavë, Prishtina Hackerspace u bë pikëtakim për krijues te rinjë.

Permes FOSS Young Makers Lab: Introduction to Arduino një grup i vogël maker-ash të rinj kaluan një ditë duke ndërtuar, testuar dhe mësuar përmes praktikës.

Para se të hapnim laptopët dhe të lidhnim komponentët, pjesëmarrësit u njohën me njëri-tjetrin përmes një loje interaktive te udhëhequr nga Gresa, ku secili prezantonte emrin e tij duke mbyllur një qark elektrik. Një aktivitet i vogël, por një mënyrë e bukur për të krijuar atmosferën e bashkëpunimit që vazhdoi gjatë gjithë ditës.

Më pas, Ardita i prezantoi me Arduino-n, breadboard-in dhe komponentët bazë elektronikë. Nga aty, çdo projekt shtoi një pjesë të re nga çka kishim mësuar.

Të udhëhequr nga Ardita dhe Ruhani, fillimisht ndërtuan një Semafor, ku pjesëmarrësit programuan LED-at të ndizeshin sipas një sekuence të caktuar. Më pas ndërtuan një Arduino Piano, duke përdorur butona dhe buzzer për të krijuar nota muzikore. Workshop-i u përmbyll me Kodin Morse, ku buzzer-i u shndërrua në një mjet komunikimi për të dërguar mesazhe me pika dhe vija.

Në frymën e bashkëpunimit dhe ndarjes së dijes që karakterizon FLOSSK-un, Ardita Kadriu, Ruhan Pacolli dhe Gresa Neziri ishin pranë pjesëmarrësve, duke i orientuar, mbështetur dhe duke krijuar një hapësirë ku pjesëmarrësit mësuan, eksperimentuan dhe ndërtuan së bashku.

Nga një qark i parë që ndoshta nuk funksionoi në provën e parë, deri te projektet finale, çdo hap ishte pjesë e procesit të të mësuarit, çdo aktivitet ishte një mundësi për të kuptuar jo vetëm si funksionojnë komponentët elektronikë, por edhe si një ide e vogël mund të kthehet në diçka që funksionon.

Teknologjia kuptohet më mirë kur e prek, e teston dhe e ndërton vetë. Young Makers Lab ishte një hap i vogël drejt krijimit të brezit të ardhshëm të maker-ëve, zhvilluesve dhe inovatorëve.

Faleminderit të gjithë pjesëmarrësve dhe prindërve që u bënë pjesë e kësaj dite.
Shihemi në aktivitetet e ardhshme!

Këtë të mërkurë patëm mysafirë Shoqatën e Radioamatoreve të Kosovës (SHRAK), të cilët na hapën një dritare në botën e radioamatorizmit. Një fushe që ka lidhur njerëz në mbarë botën për dekada dhe vazhdon të jetë po aq interesante edhe sot.

Vjollca na tregoi se çfarë është radioamatorizmi, si ka evolu ndër vite dhe si është zhvillu komuniteti i radioamatorëve në Kosovë. Përmes historive dhe përvojave të saj, u njohëm më afër me aktivitetet, kulturën dhe rëndësinë e këtij komuniteti.

Fehmiu na çoi pak më thellë në anën teknike të radiokomunikimeve, duke na shpjegu si funksionojnë radio-lidhjet dhe pajisjet që i bëjnë ato të mundshme. Më pas na demonstroi praktikisht, ku patëm mundësinë të ndiqnim komunikime live me radioamatorë ndërkombëtarë nga radiostacioni i tij në Hajvali.

Pyetje, diskutime dhe ide të reja u bënë pjesë e sesionit, duke e kthyer në një bisedë mes komuniteteve dhe jo vetëm në një prezantim.

Faleminderit Vjollcës, Fehmiut dhe SHRAK-ut për vizitën. Shihemi në bashkpunimet e radhës!

Disa muaj më parë Sorra nisi me lyp llaptopa. Kampanja “Kompjutera për Krejt” ka qëllim të thjeshtë: me mbledhë llaptopa që s’po përdoren ma, me i riparu, përgatitë, dhe me i çu te nxënësit që kanë nevojë për ta.

Dje ishim në IAAP “Skënder Luarasi” në Suharekë, ku 12 nxënës të shkëlqyer nga fshatrat e kësaj komune pranuan llaptopët e tyre, e bashkë me ta kaluam një ditë, ku prezantuam FLOSSK-un dhe folëm për open source.

Duke përdor pikërisht llaptopët me sistem operativ të hapun si Linux Mint, Samiu mbajti një workshop praktik ku prezantoi sistemet operative te Linuxit, konceptin e open source-it, përdorimin e AI nëpërmjet OpenCode GitHub e Vercel, si dhe tregoi shembuj konkretë se si njerëzit bashkëpunojnë për të ndërtu projekte të hapura.

Këto pajisje që dikur rrinin pa u përdorë, tash do t’u shërbejnë nxënësve për me mësu, me kriju dhe me zhvillu aftësitë e tyre ne teknologjitë e hapura.

Një falënderim i veçantë shkon 91Life Careers, Valtech, dhe të gjithë individët të cilët iu bashkuan kampanjës duke i dhuruar llaptopat e tyre, si dhe drejtorin e shkollës Hamdi Bytyqi, me kolegët nga IAAP “Skënder Luarasi”, për bashkëpunimin.

Në vitin 2026, pajisjet digjitale nuk janë më luks, ato janë nevojë elementare dhe e drejtë për arsimim të barabartë, misioni ynë është që krejt fëmijët në Kosovë të kenë qasje në vegla digjitale për të ndërtuar të ardhmen e tij.

Kjo është vetëm faza e parë, e Sorra ende po lyp llaptopa.
Nëse ke një pajisje që s’e përdor ma, jepja dikujt mundësinë me fillu diçka të re.

A pleasant visit at FLOSSK from the Nordic Chamber of Commerce in Prishtina, Embassy of Sweden in Pristina.

We had the pleasure of welcoming representatives from Marlink, DVS Konsult AB and CircleX, and sharing with them the history, activities and energy of our community.

Together, we explored the Prishtina Hackerspace and spoke about ideas, projects and potential collaborations. We discussed the power of open source technology and the work of our community as a leader in transforming education, art and culture.

Open source is increasingly becoming the obvious solution for businesses and institutions that seek innovation which goes hand in hand with digital sovereignty and sustainable development, where ideas and information are shared freely.

It is always a pleasure to meet people who want to create, build and cooperate.

We are grateful for their visit and time!

Dronët vertetë fluturuan, e rinia na kënaqi me dijen, interesimin e vullnetin për të mësuar. 

Javën e kaluar, në bashkëpunim me ICK-në, FLOSSK u angazhua për menaxhimin e aspektit teknik dhe komunitar të hackathonit të parë për dronë, Hackadrone, që u mbajt në ICK.

Interesimi ishte shumë i madh, e Mentorëve tanë fort ju vështirësu puna në përzgjedhjen e 12 ekipeve nga 60 ekipe dhe individë që kishin konkurruar.

Ekipet e kualifikuara për dy ditë me radhë garuan se kush më mirë po e konfiguron dhe fluturon dronin, kurse Mentorët tanë u kujdesën që t’i japin udhëzimet dhe përkrahjen në çdo moment. Puna e ekipeve ishte shumë intensive deri në çastet e fundit, ku secili ekip mundohej të bëhej gati për sfidën e fluturimit dhe vlerësimit për konfigurimet përkatëse.

Ora e fundit solli edhe prezentimet e ekipeve dhe fluturimet. Vlerësimi nxori 3 ekipe fituese të cilat u shpërblyen me çmime shumë të mira dhe më se të merituara prej 4000, 3000 dhe 2000 euro.

Falënderojmë shumë mentorët tanë, Sami Kçiku, Enis Hyseni, Erjon Ahmeti, Ardeshir Tërshnjaku, Art Nela, Jora Ajeti dhe Davud Gorqaj. Falenderojmë edhe ICKnë, e posaqërisht Dorinën dhe Shpendin për durimin e bashkëpunimin e ngrohtë. 

Mezi po presim të shihemi sërish në garën e radhës!

Prishtina u shndërrua sërish në një pikëtakim të rëndësishëm për komunitetin e sigurisë kibernetike. Edicioni i pestë i BSides Prishtina mblodhi së bashku profesionistë, studentë dhe entuziastë nga Kosova dhe rajoni e më gjerë, duke krijuar një hapësirë ku dijet, përvoja dhe kurioziteti takohen natyrshëm.

Dita e parë u fokusua në kërcënimet moderne dhe teknologjitë që po formësojnë peizazhin e sigurisë kibernetike. U fol për historinë dhe evoluimin e malware-it gjatë dekadave të fundit, për mënyrën se si inteligjenca artificiale po ndikon në sigurinë ofensive, për analizën e malware-it përmes matematikës dhe përpunimit të sinjaleve, si dhe për sfidat reale që hasen në infrastrukturat kritike. Po ashtu u trajtuan edhe tema shumë praktike si inxhinieria sociale përmes telefonit dhe SMS-ve, hetimet OSINT në raste reale dhe teknika të avancuara të eksfiltrimit të të dhënave. Secili folës solli një këndvështrim të ndryshëm, duke e bërë ditën një përzierje të fortë mes kërkimit, praktikës dhe eksperiencës reale.

Dita e dytë e thelloi edhe më shumë aspektin teknik. U diskutuan sfida të reja si siguria e rrjeteve 5G, GraphQL, kredencialet e ruajtura në shfletues, rreziqet e sistemeve legacy, si dhe mënyra se si inteligjenca artificiale po ndryshon si mbrojtjen ashtu edhe sulmet kibernetike. Paralelisht, workshop-et praktike i dhanë pjesëmarrësve mundësinë të provojnë vetë teknika reale dhe të punojnë afër me ekspertë të fushës, duke e kthyer mësimin në eksperiencë direkte.

Në fund të ditës së dytë, atmosfera kaloi në një nga momentet më të gjalla të gjithë konferencës — Capture The Flag (CTF). Hapësira u mbush me përqendrim, energji dhe një garë mes ekipeve dhe pjesëmarrësve individualë, të gjithë të zhytur në sfida që kërkonin logjikë, kreativitet dhe bashkëpunim deri në minutat e fundit. CTF përfshiu kategori si Web Security, Reverse Engineering, Cryptography dhe Forensics, duke i vendosur pjesëmarrësit përballë problemeve praktike që kërkonin më shumë se vetëm teori — kërkonin mendim si sulmues dhe mbrojtës njëkohësisht. Ajo që e bëri edhe më të veçantë ishte dinamika e komunitetit duke e kthyer gjithë hapësirën në një laborator të gjallë të sigurisë kibernetike.

Në përmbyllje, u ndanë edhe çmimet për ekipet dhe pjesëmarrësit më të suksesshëm, vendi i parë fitoi Pwned Labs Bootcamp subscription për çdo anëtar të ekipit, vendi i dytë PentesterLab 6-month subscription për çdo anëtar të ekipit, ndërsa vendi i tretë lockpicking kit, i sponsorizuar nga Pretera. Duke e mbyllur aktivitetin me duartrokitje, emocion dhe një ndjenjë të fortë motivimi për edicionet e ardhshme.

Një falënderim i madh shkon për të gjithë folësit që ndanë njohuritë e tyre, instruktorët e workshop-eve që sollën sesione praktike dhe të thelluara, sponsorët dhe partnerët që mbështetën realizimin e eventit, si dhe ekipin organizues dhe vullnetarët.

Mbi të gjitha, falë pjesëmarrësve që sollën energji, pyetje dhe kuriozitet, ky edicion u bë një tjetër hap i rëndësishëm për komunitetin e cybersecurity në rajon.

Prishtina – Trash Talk, 20 maj 2026

Javën që shkoj e mbajtëm meetup-in e radhës për “Trash Talk” dhe diskutimi ishte krejtësisht i hapun.

Bardhi dhe Mike treguan çka kemi gërmu e hulumtu gjatë vikendit të hackathonit. Hapësira ishte plot me njerëz të vullnetit të mirë dhe akterë kyç që merren me këtë problem çdo ditë, gjë që ndezi një diskutim super konstruktiv për bërllogun në Prishtinë.

Takimin e mbyllëm me plot optimizëm për me vazhdu tutje. Kjo punë sapo ka fillu, problemet po i shpalosim hap pas hapi dhe kodi është plotësisht i hapur për të gjithë ata që duan me na u bashku në këtë rrugëtim.

Nëse doni me pa krejt hulumtimin tonë, hartat dhe veglat që i kemi ndërtu, e gjeni dokumentacionin në repositorin tonë në GitHub: https://github.com/flosskosova/trash 

Vizitoj faqet testuese – https://hackthetrash.vercel.app | https://trash-map.quarterly.systems/

—-

Last week we hosted our “Trash Talk” meetup, and the discussion was completely open.

Bardh and Mike presented what we uncovered and researched during the hackathon weekend. The space was packed with well-meaning people and key stakeholders who deal with this issue daily, sparking a super constructive discussion about Prishtina’s waste.

We closed the meeting filled with optimism to keep moving forward. This work has just begun, we are uncovering the problems step by step, and the code is completely open to anyone who wants to join us on this journey.

If you want to see all of our research, maps, and the tools we built, you can find the documentation in our GitHub repository: https://github.com/flosskosova/trash

And our test websites  – https://hackthetrash.vercel.app | https://trash-map.quarterly.systems/

Ferizaji na la pa fjalë!

Para dy dite u mblodhëm me njerëz t’mirë e me plot vullnet për me e shty përpara skenën e teknologjisë në qytet.

Valmiri e hapi takimin duke i falënderu anëtarët e FLOSSK-ut që po japin shtytje maksimale për aktivitete e projekte të reja, në tërë Kosovën.

Samiu vazhdoi me na tregu për kulturën dhe historinë FLOSS, dhe pse Open Source është rruga e vetme për liri dhe pavarësi digjitale, ndërsa Beharja, Zana dhe Dëshira na njoftuan me super punën që po e bëjnë me PyLadies Prishtina, e së shpejti edhe në Ferizaj. Beharja po ashtu na dëshmoi që rruga për t’u bërë Python programer është shumë ma e lehtë se që e kemi paramenduar.

Krejt në fund, përtej agjendës së planifikuar, na u bashkua edhe Roberti nga DefCon Prishtina, i cili na tregoi për botën e hackerave dhe projektet që janë duke i bërë.

Një falënderim i veçantë shkon për Avniun dhe Visarin, motorët e FLOSSK Chapter Ferizaj, që me entuziazëm po e kthejnë qytetin në një pikëtakim për teknologji.

E gjatë Majit po përgatitemi për workshope në elektronikë dhe gjuhë programuese, e interesimi i të rinjve ferizajas qysh tash është tejet i madh.