Thirrje e hapur për angazhim me pagesë të 3 studentëve/eve në digjitalizim të botimeve të vjetra shqipe
Shfrytëzimi i teknologjisë së re për të ri-ndërtuar trashëgiminë kulturore nëpërmjet digjitalizimit të botimeve të vjetra është synimi kryesor i këtij projekti dhe paralelisht kontribuon në një model të hapur dhe të zgjerueshëm për digjitalizimin e botimeve që janë vështirë të qasshme për publikun. Është një arkivë e materialeve të digjitalizuara me një kosto shumë të ulët dhe një kapacitet e rëndësi të madhe.
Përmes kësaj thirrje synojmë të përfshijmë studentë e të rinj të apasionuar pas teknologjisë dhe librit, të cilët do të ndihmojnë në digjitalizimin e botimeve të vjetra shqipe e më pas t’i bëjmë ato të qasshme online për të gjithë.
Angazhimi do të zgjasë 5 orë në ditë përgjatë 3 muajve (Mars – Qershor 2022).
Përveç përpunimit dhe optimizimit të teksteve, do të organizojmë trajnime, prezantime dhe diskutime rreth digjitalizimit të trashëgimisë kulturore.
Kjo nismë ka për qëllim nxitjen e themelimit të një instituti për arkivimin dhe digjitalizimin e çdo krijimi të prekshëm i cili mund të jetë me rëndësi kulturore ose historike për ruajtjen e identitetit tonë si komb dhe si shtet.
Vegëza për aplikim: https://forms.gle/xbJcM2YvQyFCo5Xw5. Thirrja do të jetë e hapur deri më 17 mars 2022.
–
FLOSSK ka lansuar platformën books.flossk.org në vitin 2020 në të cilën janë të qasshme rreth 50 libra shqiptarë të shekullit të XX.
Kjo thirrje mbështetet nga Ministria e Kulturës, Rinisë dhe Sportit të Republikës së Kosovës.
English