Webinar: Pavarësia digjitale e shtetit dhe e bizneseve në Kosovë

Pavarësia digjitale e shtetit dhe e bizneseve në Kosovë
1 prill | 18:00 | mbahet online në meet.jit.si/FLOSSK

Ka shumë institucione publike esenciale si dhe shërbime nga sektori privat të cilat nuk mund të funksionojnë pa shërbime nga kompanitë private të huaja. Policia, ndihma e parë, zjarrfikësit, ushtria, barnatoret, telekomi, interneti e plot institucione dhe shërbime të tjera duhet të punojnë pavarësisht nga ajo se një kompani e huaj bankroton apo jo.

Në këtë webinar do të flasim mbi pikat kyçe që duhet të zëvendësohen me infrastrukturë dhe shërbime vendore për garantimin e funksionimit të institucioneve dhe shërbimeve esenciale.

Agron Noka qysh në moshën 13 vjeçare filloi programimin me kompjuterin që e bleu në Amerikë. Si nxënës i vitit të 3-të filloi të ligjëronte dhe mbante praktikën në laboratorët e Shkollës Normale në Prishtinë sepse profesoresha ligjëronte Fortran kurse ai kishte vetëm Basic. Pas Normales ai vazhdoi në Elektro. Në karrierën profesionale Agroni realizoi 2 ëndrra të çdo programeri: 1. Që të bëhet programer i mirë në gjuhë serioze si C dhe C++ dhe 2. Të marrë ofertë pune nga departamenti që e krijon atë gjuhë programuese, Visual Studio i Microsoft-it. Në vitin 2006 Agroni u shpërngul në Seattle, Washington për këtë punë. Agroni gjithashtu është marrë edhe me programim në Linux, IoT dhe Networking.