GIS Day & Prishtina GreenAtlas – 18 November, Prishtine!

27 Views

GIS Day këtë vit kishte një arsye më shumë për të festu!

Me përmbylljen e gjeneratës së parë të Green Taskforce, festuam jo vetëm për Prishtina GreenAtlas, por edhe gjithë punën, përvojat dhe miqësitë që u krijuan gjatë këtij rrugëtimi.

Gjithçka nisi më 31 tetor, kur u mblodhëm në Prishtina Hackerspace për t’u njohur më nga afër me Prishtina GreenAtlas, projektin dhe planin e punës.

Më 1 nëntor, kaluam në pjesën praktike, ku vullnetarët u njohën me GIS, QGIS dhe Mergin Maps, duke u përgatitur për punën në terren.

Më 7 nëntor nisëm hartëzimin në qytet, duke identifikuar hapësirat e gjelbra dhe duke filluar inventarizimin e pemëve një nga një.

Më 14 nëntor vazhduam me Mapathon-e, mbledhjen dhe verifikimin e të dhënave. Përgjatë këtij muaji organizuam gjithsej katër Mapathon-e, ku vullnetarët dolën në terren, vëzhguan, matën dhe hartëzuan gjelbërimin e Prishtinës, madje edhe kur na përcollën shiu dhe i ftohti.

Për ta shënuar këtë rrugëtim, u mblodhëm edhe një herë me Green Taskforce, së bashku me Besianë Musmurati – Nënkryetaren e Komunës së Prishtinës, Drejtorin e Hapësirave Publike dhe Parqeve të Komunës së Prishtinës dhe UNDP-në.

Gresa, Albani dhe Samiu prezantuan Prishtina GreenAtlas, duke ndarë punën, rezultatet dhe rrugëtimin e këtij projekti.
Një falënderim i veçantë për ta për përkushtimin dhe punën gjatë gjithë këtij muaji!

Certifikuam Green Taskforce-in dhe shpërblyem vullnetarët që hartëzuan më së shumti pemë.

Ishte kënaqësi të shohim kaq shumë të rinj që i kushtuan kohën e tyre qytetit, dolën në terren, mësuan, bashkëpunuan dhe kontribuan në hartëzimin e gjelbërimit të Prishtinës.

Faleminderit Green Taskforce që i dhatë jetë Prishtina GreenAtlas, me kohën, energjinë dhe dashurinë tuaj për gjelbërimin e qytetit

Kjo nisme eshte pjesë e #CityExperimentFund, mbeshtetur nga Ministria e Financave e Slovakisë dhe zbatuar nga UNDP në partneritet me Komunën e Prishtines.

Free Libre Open Source Software Kosova (FLOSSK) is a non-governmental organization based in Prishtina established in 2009 in order to support, promote and develop free and open source software, open and participatory knowledge, education in information technologies through open courseware, and open standards, culture and open society using free communication.

Mailing form

    Our Contacts

    Ganimete Tërbeshi St. No 61, Aktash neighborhood, Prishtina 10000, Kosovo.

    [email protected]