Takimi Themelues i Internet Society Chapter

Internet Society është një organizatë jofitimprurëse me bazë në SHBA misioni i së cilës është të promovojë zhvillimin e internetit si infrastrukturë globale teknike, burim për pasurimin e jetërave të njerëzve, dhe forcë për të mirë në shoqëri.

Kapitujt e Internet Society janë grupe lokale që drejtojnë një sërë ngjarjesh, programesh dhe aktivitetesh që mbështesin parimet dhe misionin e Internet Society, duke përfshirë:
– Ngjarje edukative
– Programet komunitare
– Programet e politikave publike
– Ngjarjet e rrjetëzimit

FLOSSK është i interesuar që të aplikojë për krijimin e një kapitulli në Kosovë, me qëllim të promovimit të misionit që mbështetë Internet Society, e të cilën e ndanë edhe FLOSSK. FLOSSK veç vepron me kapitujt e OpenStreetMap, OSGEO dhe Wikimedia (sponsor fiskal).

Nëse jeni të interesuar të jeni pjesë dhe anëtarë themelues i këtij kapitulli, të mërkurën (11.05.2022) në ora 18:00 do të mbahet takim themelues në Prishtina Hackerspace (rr. Ganimete Tërbeshi nr. 61 në Aktash).