Linux User Group Meetup
26 maj 2022 nga ora 17:30

 
Këtë të enjte, grupi i përdoruesve të Linux organizon takimin e rradhës me temën “Hyrje në DevOps – Veglat dhe aspektet teknike” që do të prezantohet nga Altin Ukshini.

DevOps është një kombinim i zhvillimit softuerik dhe operacioneve. DevOps përfaqëson një ndryshim në kulturën e IT-së të fokusuar te njerëzit, veglat dhe proceset për të mundësuar një bashkëpunim dhe automatizim më të mirë për zhvillimin e softuerit në ndërrmarje të ndryshme.

Automatizimi i ndërtimit të kodit, integrimi dhe shpërndarja e vazhdueshme (CI/CD), infrastruktura si kod dhe më shumë – Le të shohim se çfarë mund të bëjmë duke përdorur praktikat e DevOps me Altinin.
Altini është një inxhinier me fokus në Cloud/DevOps me mbi 8 vjet përvojë në industrinë e IT.

Grupi i përdoruesve i Linux është një komunitet që FLOSSK po zhvillon paralelisht me Grupet e përdoruesve në OpenStreetMap, Python, InfoSec, Flutter dhe Open Hardware, të cilat mbahen në Prishtina Hackerspace dhe mbështeten nga Komuna e Prishtinës dhe Ministria e Kulturës Rinisë dhe Sporteve.