Panel diskutimi: Mësimi i kodimit në Kosovë

▶️ Në vazhdën e aktiviteteve gjatë Javës së Shkencës Kompjuterike, po organizojmë panel diskutimi mbi mësimin e kodimit dhe të të menduarit kompjuterik, rëndësinë dhe përfitimet e aftësimit në moshë të hershme dhe potencialin e jashtëzakonshëm të saj për punësim në të ardhmen.

🌐 Në botë ka pasur një shtysë të paprecedentë për të jetësuar interesimin në edukimin STEM (shkencë, teknologji, inxhinieri dhe matematikë) dhe pjesa e madhe e diskutimit është përqendruar rreth faktit nëse kodimi duhet të jetë një element qendror i edukimit shkollor. Të mërkurën nga ora 17:30 po shtjellojmë se çka mund të arrihet në Kosovë.

👥 Të gjithë jemi të vetëdijshëm se mësimdhënia e kodimit në klasë nuk do të prodhojë programues maestral, aq sa mësimi i muzikës në kurrikulën e shkollës nuk do të prodhojë muzikantë botëror. Megjithatë, ashtu siç mësimi i muzikës inkurajon nxënës/e të bëhen muzikantë/e, e njëjta gjë është e vërtetë edhe për kodimin.🎹

🗣 Çështje të diskutimit do të jenë se cilat koncepte duhet të trajtohen në mësimdhënie kodimi dhe sa thelbësore janë ato për të krijuar një kuptim të botës dixhitale që na rrethon, si dhe për të përmirësuar produktivitetin dhe inovacionin, për të cilat aftësitë dhe aftësitë e TIK-ut janë thelbësore.

🪴 Ju mirëpresim në Prishtina Hackerpsace Pub!